ഇരുളിന്റെ തീരമണയാറായ് -
വേഗം പറന്നിടാം ;
കൂടണയാന് ഇനിയുണ്ട്
വിളിപ്പാടു ദൂരം ;
പകലോന് മറഞ്ഞു പോയ് ,
വാനില് നിശാനര്ത്തകിമാര് -
പൊള്ളുന്ന നോവിന്റെ തിരശീലയില്
ജീവനനടനമാടിത്തിമിര്ക്കുകയായ് .....
കൊതിയുണ്ട്,
ആകവേ പൂത്തുലഞ്ഞ
പവിഴമല്ലിക്കൊമ്പില്,
വിടരുവാന് വെമ്പുന്ന പൂവിന്റെ
വിശുദ്ധ സുഗന്ധ സ്പര്ശമേറ്റൊ-
ന്നുറക്കെ പാടുവാന് :
നിശാഗന്ധികള് വെണ്മ തൂവും
വഴിയോരങ്ങളില് വീണ്ടും ,
സഖികളോടൊതൊരുപാടു -
കഥകളോതുവാന് :
ചിറകില് മുളയ്ക്കും പൊന്പീലികള്
പേര്ത്തും വിടര്ത്തി
കറുത്തോരാകാശങ്ങളെ
മയക്കുവാന് ;
നിലാവിന്റെ ശ്വേതാശ്വങ്ങളിലേറി
നിറമെഴും പൂങ്കാവനങ്ങളെ വരിക്കുവാന് ,
കൊതിയുണ്ട് ,
തേവരെത്തും നാളില് മാനത്തു-
വിരിഞ്ഞിടും വര്ണ മേളങ്ങളില് ,
പാതിരാവിന്റെ പ്രണയിനിയായ്
ലയിക്കുവാന് !
***************************************
രാവണയാറായ്, വേഗം -
പറന്നിടാം, പുറകിലേതോ
കഴുകന്റെ ചിറകടി കേട്ടുവോ ?
കേള്ക്കുവാന് കാതില്ല
ലോകത്തിനെങ്കിലും ഏറ്റു ചൊല്ലട്ടെ
ഇനിയുള്ള പുലരികള് -
വക്കുപൊട്ടി തേഞ്ഞുടഞ്ഞോരീ വാക്കുകള് !
ഇനിയുള്ള പുലരികള് -
വക്കുപൊട്ടി തേഞ്ഞുടഞ്ഞോരീ വാക്കുകള് !
തിരികെ വേണമെനിക്കെന്റെ
കിനാവിലെ മുന്തിരി തോപ്പുകള് ;
തിരികെ വേണമെനിക്കെന്റെ
കിനാവിലെ മുന്തിരി തോപ്പുകള് ;
തിരികെ വേണമെനിക്കെന്റെ
നിലാവിന്റെ നേരുകള് ;
തളരുമീ ചിത്തത്തി നുണര്വേകുവാന്
തിരികെ വേണമെനിക്കെന്റെ
പുഴയുടെ തെളിനീര്ചാലുകള് ;
പെണ്ണിന്റെ തൂവലില്
പോലുമാര്ത്തി കാട്ടി ,
ഒളികണ്ണുമായ് നില്ക്കും വേടരെ
ജയിച്ചീടുവാന് വേണമെനിക്കു
പുതിയൊരു രക്ഷാമന്ത്രവും ;
പിടിച്ചുകെട്ടീടുവാന് , വലയിലാക്കാന്
പുറകെയുണ്ടൊരുപാടു നിഴലുകള് -
കൂര്ത്ത നഖ മുനകള് ;
ചിറകുകള് കുഴയുന്നുവോ ?
എങ്കിലും
മനസ്സു കുഴയുവോളം പറക്കുവാന് ,
തിരികെ വേണമെനിക്കെന്റെ ചക്രവാളങ്ങള് !
കാലങ്ങള്ക്കപ്പുറം മാറ്റൊലി കൊള്ളുവാന്
തിരികെ വേണമെനിക്കെന്റെ ശബ്ദവും !
മനസ്സു കുഴയുവോളം പറക്കുവാന് ,
മറുപടിഇല്ലാതാക്കൂതിരികെ വേണമെനിക്കെന്റെ ചക്രവാളങ്ങള് !
കാലങ്ങള്ക്കപ്പുറം മാറ്റൊലി കൊള്ളുവാന്
തിരികെ വേണമെനിക്കെന്റെ ശബ്ദവും !
കവിത നന്നായി ആശംസകള്
വളരെ നന്ദി .......
ഇല്ലാതാക്കൂസ്വപ്നങ്ങളും ആശങ്കകളും കൂട്ടിയിണക്കിയ കവിത ഇഷ്ടപ്പെട്ടു.
മറുപടിഇല്ലാതാക്കൂഎങ്കിലും
മനസ്സു കുഴയുവോളം പറക്കുവാന് ,
തിരികെ വേണമെനിക്കെന്റെ ചക്രവാളങ്ങള് !
കാലങ്ങള്ക്കപ്പുറം മാറ്റൊലി കൊള്ളുവാന്
തിരികെ വേണമെനിക്കെന്റെ ശബ്ദവും !
ഈ വരികള് പ്രത്യേകിച്ചും. ഇനിയും വരാം. നല്ല രചനകള് ഉണ്ടാവട്ടെ!
Pls remove word verification in your setting to ease the commenting process. Thank u!
മറുപടിഇല്ലാതാക്കൂവളരെ നന്ദി .......
ഇല്ലാതാക്കൂ@Dejavu, shamzi - വളരെ നന്ദി.....
മറുപടിഇല്ലാതാക്കൂ